Служба преподобному Іову Угольському

Служба Преподобному и богоносному отцу нашему Иову Угольскому

На Велицей Вечерни.

Поем: Блажен муж.

На Господи воззвах, поставим стихиры на-8, глас 8.

Стих: Из глубины воззвах к Тибе. Господи, услыши глас мой.

Преподобне отче наш Иове,\ ты Бога возлюбил еси от юности,\ и к Нему сердцем прилепился еси.\ Вельми подвизаля еси в привременней жизни сей.\ В пении, бдении и пощении образ был твоим учеником, \ ныне же ликуеши со  безтелесными,\ Христа непрестанно славославя,\ моли Его подати Церкви умерениие,\ и душам нашим велию милость.

Стих: Да будут уши твои, внемлющее гласу моления моего.

От утробы матерни ты Христавозлюбил еси, блаженне.\Тыбылш аки земный ангел и небесный человек,\ монашескиз уставов воздержниче и учителю.Избраный Богом Карпатския страны молитвенниче и предстателю, \ непрестанно моляся о чтущих тя

Стих: Аще беззакония назрищи, Господи, Господи, кто постоит яко у Тебе очищение есть.

Предобне  отче Богомудре!\ Чистоту душевною соблюл еси преславно.\ житием своим учил еси презирати плотския стасти.\ неусыпный молитвенник пребыл еси в житии своем изрядный.\ И ныне, радуешися, достойно предстоя пред Богом.\ непрастанно моляся о чтущых тя.

Стих: Имене ради Твоего потерпех Тя, Господи. Потерпе душа моя в слово Твое,  упова душа моя на Господа.

Кии ти похвалы пренесем достойно,\ отче наш преславны Иове!\ Яко подвыгами своими возвеличил еси Христа Царя Господа,\ столп был еси воистину добродетелей\ и никтоже тощ и неутешен от тебе отыде,\ но всем был еси врадость и утишение.\ И ныне поминай нас у Престола  Славы Господа,\ чтущих твою память верно.

Ины стихиры, глас 6

Стих: От стражи утренние до нощи, от стражи утренния, да уповает Израиль на Господа.

Егда желанием души уязвился еси Божественним,\ преподобне отче,\ радуеся взял еси свой крест, и последовал еси Хресту,\ и воздержанием умертвил еси мудрование плотское.\ Храм был еси Трислонечного Божества.\ И щедро изливал благодать Божественную на людех.\ Темже тя согласно ублажаем.

Стих: Яко у Господа милость, и многое у Него избавление, и Той избавит Израиль от всех беззаконий его.

Чистый душею и сердцем,\ ты пожил на земли воистину.\ Богоизбранный сосуд  Святого Духа, пребывалище!\ Сладкогласный орган Слова Божия,\ девства учитель,\ гродиловские пустыни первый украситель,\ и в духовнем недузе честный врач,\ монашествующей братии свитильник был еси,\ отче Иове, прехвальне.\

Стих: Хвалите Господа вси языцы, похвалите Его вси людие.

Многолетними подвигами украсил еси и Угольское селение,\ священный  пастырю всемудре.\ Прилежныя молытве за люди твоя Богом приносил еси,\ чадо твоя чудесами молытв твоих возвеселил еси.\ благодарение Богу возсылати вся научил еси,\ и ныне, о стаде твоем прилежно молися:\ спастися душам нашим

Стих: Якого утвердися милость Его на нас,\ и истина Господня пребывает во век.\

Священная и славная Угольская  пустынь ныне веселится,\ монашеского и священного чина соборы,\ и множество народа, светло торжествующе\ в память Богоносного отца нашего Иова.\ С любовию взывающе:\ радуйся, пресветлый наш светильниче и молитвенниче  теплый,\ многа болета сокровенны быша чесныя твоя мощи,\ ныне же обретошася на поклонения.\ яке любовию чада твоя,\ их же в Православии утвердил еси,\ и ныне молися Господу,\ спастися душам нашым.

Слава: гл 6

Веселися земле Карпатская,\ процветшая таковаго гражданина,\ торжествуйте  вси сошедшиися днесь.\ прославляя великаго подвижника и учителя.\ Сей бо премудростию Святого Духа украсився.\ И научал всех приходящих к нему6\ возлюбите Спаса Господа\ и в Господни любви пребывайте со ближними.\ Да обрящете покой душам вашим,\ и в горнем мире водворитеся.

И  ныне : глас той же.

Кто Тебе не ублажит, Пресвятая Дево \ Кто ли не воспоет Твоего пречистаго рождества\ Безлетно бо от Отца возсиявый Сын Единородный.\ Той же от Тебе Чистыя пройде.\ Неизреченно воплощся,\ естеством Бог сый,\ и естеством быв Человек нас ради, не во двою лицу разделяемый. Но во двою естеству\ неслитно познаваемый.\ Того моли,  Чистая,

Всеблаженная,\ помиловатися  душам нашим.

Вход.

Прокимен дня.

Чтения-3.

Премудрости Соломоновы  чтение.

Праведницы во веки живут, и в Господе мзда их, их и попеченне их у Вышняго. Сего ради примут Царствие благолепия и венец доброты от руки Господни, зане десницею покрыет я, мышцею защитит их. Приимет всеоружие рвенне свое, и вооружит тварь в месть врагом. Облечется в броню правды, и вуозложыт шлем. Суд нелицемерен. Примет щит непобедый преподобие: поострит же напрасный гнев во оружие: споборет же с ним мир на безумныя. Пойдут праволучныя стрелы молниины, и яко от благокруга лука облаков, на намерение полетят. И от каменометныя ярости исполнь падут грады. Вознегодует на них вода морская: реки же потопят я нагло. Сопротив станет им Дух силы. И яко вихорь развеет их, и опустошит всю землю бе5ззаконие: и злодейство превратит престолы сильных. Слышите убо царие, и разумейте: навыкнете судии концев земли. Внушите держащий множества, и гордящиися о народех язык:Яко дана есть от Господа держава вам, и силы от Вышняго .

Премудрости Соломоновы чтение.

Праведных души в руце Божией, и не прикоснется их мук. Непщевани быша во очесех безумных умрети, и вменися озлобление исход их. И еже от нас шествие сокрушение, они же суть в мире. Ибо пред лицеем человечиским аще и муку примут, упование их безсмертия исполнено. И вмале наказани бывше, великими благодетельствовани будут, яко Бог искуси я, и обрете их достойны Себе. Яко злато в горниле искуси их, и яко всеплодие жертвенное прият я. И во время посещения их возсияют, и яко исры по стеблию потекут. Судят языком, и обладают людьми, и воцарится Господь в них во веки. Надеющиися нань раз0умеют истину, и верни в любви пребудут Ему: яко благодать и милость в преподобных Его и посещение во избранных Его.

 

Премудрости Соломоновы чтенияе

Правндник, аще постигнет скончатися, в покои будет. Старость бо честна не многолетна, ниже в числе лет исчитаеться. Седина же есть мудрость человеком, и возраст старости житне нескверное. Благоугоден Богови быв, возлюблен бысть, и живый посреде грежниик представлен бысть . Восхищен бысть, да не злоба изменит разума его, или лесть прельстит душу его. Рачение бо злобы помрачает добрая,  и парение похоти   пременяет  ум  незлобив. Скончався вмале исполни лета долга: Угодна бо бе Господеви душа его, сего ради потщася от среды лукавствия. Людие же видевшее и не размумевше, ниже положше в помышлении таковое:  яко благодать и милость в преподобных Егои посищение во избранных Его.

Лития.

На литии 1-ая стихира храма.

Таже стихиры Святого, глас-1.

Монахов ты был еси украшение,\ и всемирных Посников и молитвенников пребыл еси спотвижник,\ ныне же райскиа пищи наслаждаешися пребогато.\ Поминай нас твоих чад в земном станствии сущих.\ Да с тобою в небесных обителях во дворимся,\ непрестанно славословя Святую Троицу.

Отче Богомудре наш Иове,\ ты и ныне посреди нас живеши,\ и призываши подражати тебе в нашем житии.\ Буди нам молитвенный предстатель,\ и добрый кормчий в бури искушений и бед,\ да непрестанно вопием ти:\ спасай нас твоими молитвами, отче преподобне.

 

Глас 6

Все собраше духовное художество.\ и прослави великого станы нашея молитвенника\ и мудрого наставника,\ учителя чистоты\ и неленастнаго подвижника.\ Громогласного проповедника Слова Божия.\ Ему же вси подчимся подражати,\ и в небесных  селех воритеся.

Слава: глас 2

Твердый адаманте веры.\ Ты просиял еси в земли Карпатской, богомудрия.\ И дея учил еси приходящих к тибе.\ Тем же тя Бог украсил творити чудеса,\ укрепляя познание православныя веры.\  Тем же ти верно вопием,\ непрестанно моляся о воспивающих тя.\

И ныне: Богородичен, глас  той же

Блажим Тя вси роди, Богородице Дево, из Тебе бо возсия  Солнце  Правды –  Христос  Бог наш \ и разрушив клятву даде благословение, и упразднив смерть, дарова нам живот вечный.

На стиховне стихиры, глас 1.

Радуйся, отче богомудре преподобне!\ Глас  Евыангелия Господня услышав, мир оставил,\ и в лесную пустынь вселился еси.\ И воздвиг монашискую обитель.\ Не престанно в молитвах и трудах пребывал еси,\ образ быв твоим учеником.\ Тем же и вселился в тя Пресвятый Дух,\ иже и прославит тя,\ нас научая воспевати тебе:\ Радуйся, отче богоносне,\ Карпатския страны похвало и предстателю.

Стих: Честна пред Господем смерт преподобных Его.

Радуйся, преслане отче наш Иове!\ Дествиниче Божий.\ Ты от младенства добродетели прилежно обучився.\ Орган был еси Святого Духа.\ И воспевал еси Святую Троицу неустанно в твоем житии.\ Ныне же Божественним светом осияваем,\ просвети твоими молитвами и наша мыслы,\ отче предобне.

 

Стих: Блажен муж бояйся Господа в заповедех Его восхочет зело.

 

Радуйся отче наш Иове, всечестне,\ ты бо со Ангелским ликом предстоиши пред Господем.\ Житие бо тех отче наш землы воистину обучився и пожил еси.\ Лучезарная блистание приемше Духа Прысвятого, все блаженнее.\ Тем же озаряем зрел еси будущая и многая предлаголал еси,\ от Божественного светоявления научаем христова:\ Его же моли душам нашим доровати велию милость

 

Слава глас 8

Монахов множества наставника тя почитаем,\ отче наш Иове,\ твоею бо стезею воистину право ходити познахом,\ блажен еси, Христу работав,\ и вражию обличил еси силу,\ ангелоа собеседниче,\ преподобних сопричастниче и правыдных,\ с ними же молися Господеви\ помиловатися душам нашим.

 

И ныне: глас твой же.

 

Безневесна Дево,\ яже Бога неизреченно заченши плотию,\ Мати Бога Вывшняго Твоих рабов мольбы прими, Всенепорочная,\ всем подающи очищение прегрешений:\ ныне наша моление приемлющи ,\ моли спастися всем нам .

По «Ныне отпущаэши» тропарь святого 2-жды

И Богородице Дево –единожды.

Тропарь святого, глас 8

Весь Был еси, отче, в дольнем житии своем правило веры и образ кротости.\ Троицкия пустыни начальниче и основателю,\ жития монашеского на горах угольских возродителю.\  В молитвах, бдении и в трудех монашеских для братии зерцало подражания.\ В бедахи  гонениях терпеливый сносителю\ и всем приходящим к тебе помощь и утишение.\ Непрестай моляся о всех чтущих твою память, Иове, преподобне отче наш\ Карпатския станы похвало.

 

 

На утрини, на Бох Господь тропарь святого двады, Слава и ныне, Богородичен: Иже нас ради рождейся от Девы.

 

 

По 1-й стихологии, седален, гл. 8.

 

Иже из чрева матерня освящен,\ и доровани божественных исполнен,\ укрипив ум разумом Божествен, преподобие отче.\ Просия убо равноангельным житием на земли посреде братии своея и паств.\ Твой же уста, богомудре, научиша честовати Святую Троицу.\ Христа же во двою естеству бытии познаваема.\ Его же моли спасти и просветити душы наша.

 

Сла и ныне, Богородичен, глас той же.

Под кров Твой, всечистая Дево, пребегающих,\ мольбу приемши от нас,\ не престай молящися человеколюбцу Богу,\ спастися рабом Твоим

 

По 2-й стихологии, седален, глас 1 подобен: Камени  печату.

 

Блаженная обитель Угольская, \ имущи тебе преподобне отче наш Иове .\ Добродетелей сокровище,\ сосуд чистоты.\ Приятилище благодати,\ источник исцелений.\ Целомудрия хранителя,\ постника истинна.\ В скорбех утишителя,\ житейскими страстьми обуреваемым тихое пристанище.\ Почитающим твою память, отче преподобне,\ моли Христа Бога спастися душам нашим.

 

Слава и ныне, Богородичен, глас той же

 

Марие, честное владыке приятелище,\ воскреси ны падшыяся грехов,\ и лютаго отчаяния и скорбей нас избави,\ Ты бое си грешным спасении и помощ,\ и крепкое предстательство:\ и спасение рабом Твоим.

 

Полиелей

Величание:

 

Ублажаем тя, преподобне отче наш Иове, и чтим святую память твою, наставниче монахов и собиседниче ангелов.

 

Стих 1: Терпя потерпех Господа и внят ми и услыша молитву мою

Стих 2: Блажен муж бояйся Господа в заповедях Его восхощет зело.

Стих 3: Праведник, яко финикс процветет. И яко кедр иже в Ливане умножитися.

Стих 4: Честна пред Господем смерть преподобных Его.

Слава и ныне….. Алилуия,……

 

По полилелен. Седален глас 4.

Просия добродетельное твое житие\ во всей Карпатской стране отче преподобне.\ И от всех похвальными песньми славишися,\ и в небеснем чертозепресветлым венцем венчался еси достойно.\ Тем благодарящее вопием ти:\ поминай нас чтущих любовию святую память твою.

 

Слава6 той же седален.

И ныне:   глас тойже.

 

Ныне к Тебе прибегаем Причистая Дево,\ спаси нас молитвами Твоимити\ и соблюди елика бо хочеши можиши,\ яко Мати Всемогущего.

 

Степенна, глас4.

 

 

От юности моея мнози борют мя страсти:\  но Сам мя заступи,\ и спаси Спасе мой..\ Ненавидящи Сиона посрамитеся от Господа:\ яко трава бо огнем будете изсохше.

 

Слава и ныне:

 

Святім Духом всяка душа живится \ и чистотою возвішается,\ светлеется Троически еденством священотайне.

 

Прокине, глас 4.

Честная пред Господем смерть преподобніх Его.

Стих: Что воздам Господеви о всех, яже воздаде ми.

 

Евангелия от Мат фея- 43

Псалом 50

 

 

Слава: Молитвами преподобного отца нашого Иова\ милостиве очисти \ множества согрешений наших.

И ныне: Молитвами Богородицы милостивее очисти множества согрешений наших.

Помилуй мя Боже по велице милости Твоей, и по множеству щедрот Твоих\ очисти беззаконие мое.

По псалме. Стихера глас 6:

Священная и славная Угольская пустынь ныне веселиться,\ монашеского и священного чина соборы.\ и множество народа, светло торжестующе\ в память Богоносного отца нашего Иова.\ С любовию взывающее:\

 

 

Радуйся, пресвелый наш светильнище и молитвенниче теплый,\ многа бо лета сокровен быша честныя твоя мощи.\ Ныне же обретошася на поклонение.\ яке любовия лобзаем.\ освящение премлюще и глаголющее:\ сия вси мы суть чада твоя,\ их же в Православии утвердил еси,\ и  ныне молися Господу,\ спастися душам нашим.

 

 

Молитва:                           Спаси , Боже, люди Твоя …..

Канон. Глас 2

Песнь 1

 

Грядите людие,\ моим песнь Христу Богу, раздельшему море, и наставльшему  люди,\ яже изведе из работы египетская\ яко православися.

 

 

 

 

Припев: Преподобне отче наш Иове моли Бога о нас.

 

Господи, отверзи наша недостойныя уста, и даждь нам слово разума воспети достойно память блаженного аввы Иова, ныне со Ангелы молящегося Тебе, избавити нас от всякого лютого обстояния.

 

Благими нравы украсився, Христу прилепился еси от юности. Плодския страсти умертвив воздержанием и к животу преподобне преставился еси.

 

Глаголом и законов Божиих исполнитель быв, исполнился еси отче премудре, божественных даров и чудес и все лучи богатно испутив еси.

 

 

Богородичен: Всеблагая Владычице, яже преблаго Бога  плотию рождши, озлюбленное страстьми мое сердце очисти, да верою и любовию величаю Тя

 

Песнь 3

 

Утверди нас в Тебе, Господи,\ древом умерщвлей грех,\ и страх Твой всади\ в сердца нас поющих тя.

 

От юности твоея преподобне предался еси умом Богови и страсти телесныя крепким воздиржанием укротив.  Всякими добродетельми украсился еси премудре.

 

Совесть имел благу, и око сердечное взирающее к Богу: тем же внят молитве твоей Господь, с преподобными сочта тя.

 

Кротостю  и смирением последуя Владыце Христу, всем вся воистину был еси,  богатых же и убогих неослабно благочестию поучая, заблутшых на путь истины наставляя и всем всяк помощник показался еси богомудре отче преподобне, молися и о нас Богу достигнути добродетели и же ты имел еси

 

Богородичен: С верою и любовию притекающех к Тебе и со страхом поющих тя молитвенный глас услыши, Владычице.

 

Седален, глас 1.

 

Восия десь пам’ять твоя, преподобне отче наш Иове, созівающе нас к похвалению Святіе Троиц, Ей же ты неустанный молитвенник на небеси предстояши. Тем претекающе к рацее мощей твоих, исцеления дар приемлем молитвами твоими, и любовию зовем ти: радуйся преславный угодниче Христов и страны нашея украшение.

 

 

Слава и ныне, Богородичен.

 

 

Стена непобедимая нам христианом еси Богородице Дево, к Тебе бо пребегающе невредим пребываем: и паки согрешающее имамы  Тя молитвенницу. Тем же благодарящее вопием Ти: радуйся Благодатная, Господь з Тобою.

 

Песнь 4

 

Услышах Господи,\ славное Твое смотрение\ и прславих человеколюбче\ непостежимою Твою силу.

 

Со врагом древле боряшеся воздиржанием, и  крепостию духа вся козни его победившее отче преподобне, и незложивше бесов шатание силою молитв и подвигов своих.

 

 

Светом благодати озаряемый Иове преподобне, верою память твою торжествующи провести, и от тьмы хреховныя молитвами твоими избави.

 

Стягнув тело твое воздержанием и чистотою, дневным и ночным молитвенным состоянием и многою добродетелию себе украшаяй, сего ради вышняя селения отче достигл еси.

Богородичен: Ты еси, Пречистая Богородице,  прибежище наше и утверждение: моли Сына Твоего и Бога нашего подати нам спасение и велию милость.

 

 

 

 

Песнь 5.

Света подателю \ и веков творче Господи,\ во свете твоих повелений настави нас:\разве Тебе иного Бога не незнаем.

Днесь светло празднует Городиловская обитель, и с ней пасмтва Угольския веси,память твою преподобие отче, и молит тя: испроси у Господа православному народу нашему мир и благоденствие и душам нашим велию милость.

 

Великими подвиги процвел еси преподобне, егда ночными стояниями и ежедневным служением Божествинной Литургии, прославися в земле Карпатской, подражая подвигу праведного Земли Русской Иона Кронштадского. И ныне убо молися блажение, да и мы подражая богоугодному житию твоему, обрящем милость от Христа и Бога, твоим предстательством.

 

Всем приходящим к тебе был еси учитель истенный и к Богородице велики молитвенник: и ныне преподобне отче не престай моляся о чадех твоих, яко имаше дрезновение велие.

 

 

Богородичен: Бога, Его же родила еси, Причистая Марие, моли рабом Твоим подати прегрешений оставлении.

 

Песнь 6

 

В бездне греховней валяяся, \ неиследною мелосердия твоего призываю бездну:\ от тли Боже, мя возведи.

 

Многи ученики имеяй в земном животе своем, богодухновенными словес и примером служения Богу , научал еси их служити в чистоте серца святой Православной Церкви и христолюбивыя люди проводити ко спасению, и ныне нас научай творити Господню Божественною волю.

 

Святителие и священице Христовы, сорадуйтеся чесным иноком Угольской Пустыни, и простии людие, купе воспойте блаженнаго преподобнаго отца, да все получем от Спаса Господа коемужде благопотребен дар в настоящем житии нашим, и в будущей жизни со Ангелы пребывание.

 

Благодарное сие пение от нас приносимое тебе преподобне Иове прехвальне, прими и всем нам, празнующим святую память твою и поклоняющимся рацее мощей твоих исцеление даруй, грехов прощение и спроси, духовныя радости исполни и мучение вечнаго избави, молитвами твоими.

 

Богородичен: Блажит Тя Причистая, преподобных лик и всякая душа верных: Божия бо Слово паче ума и слово родила еси.

 

Кондакт, гл 3

Преподобне отче Иове преславне,\ ты весь пламенем аки свеча горел еси пред Богом.\ В неусыпном бдении предстоя моляся о мире,\ и ныне лику еши в чертозе небесне,\ поминай нас чат твоих претекающих и вопиющих тебе:\ грехов разрешение и спроси нам подати\ и душам нашим велия милости.

 

Икос

Из млада возлюбил, преподобне, Божественныя заповиди, и возненавидев мира сего наслаждение, притекл еси ко Христу Богу и был еси светильник просвещай блистанием духовным. Тем же препадающе молим тя: просвети наша очи сердечная воспети твоя подвиги, пощение, бдение, сльозы, болезни, ызнуреные тела блаженыя ради будущия жизни, еяже ныне наслаждаяся, моли непрестанно о всех нас.

 

 

Песнь7

 

Образу златому на поле Деире служиму\ трие Твой отрыц небрегоша безбожнаго веления, \ посреде же огня  ввержени, орошаеми пояху:\ благословен еси Боже отець наши.

 

Святая душа твоя обитель быст Богу, и в обители Святаго Димитрия Великомученика, яже во Угольской веси, почивающи телесне, тем же ти припадаем и молим тя преподобне наваждения вражия оджени и верным людем мир и здравия даровати дабы не престанно взовати: отець наших Боже, благословен еси!

 

 

Избави обитель твою, юже еси основал преподобне отче наш Иове, от всякого навета вражия и исполни ю любви благодати, еже не помышляти о житейских, но душеспасительныя достигнути доброты молитвами, твоими, и непрестанно взывати: отець наши Боже. Благословен еси.

 

Исцеления источает богатно честная твоя рака Божиим Духом, и страсти многоразличная исцыляет отче приходящих к тебе и прогоняет лукавыя духи лютыя, и воздвигает верныя, восхвалити твоя светлыя подвиги и богу воспивати: отець нашых Боже благословен еси.

 

 

Богородичен: Упование и надежда наша Ты еси Причистая Владычице, спаси державу православную и люди твоя молящиеся и имя твое призывающия.

 

Песнь 8

В купине Мойсею Девы чудо\ нас Синайсте горе иногда\ пойте, благословите\ и превозносите во вся веки!

 

Плотския страсти укротив и мирови умертвився глаголы жизни вечныя сердцем твоим, блажение, приел еси, научая всех к тебе притекавшых взывати: Господа пойте дела и превозносите Его во век веки.

 

Добродетельному житию твоему позавидев враг вселукавый, восхоте пакости сотворити и погубити тя, ты же благодатию божиею молитами Владычицы Богородицы и предстательством связитиям и чудотворцам Николая, поле брани прошет безвредно и темнычное заключение претерпел еси, и гонителей церковных посрамил еси, Бога песлословя: Господа пойте дела, и превозносите его во веки.

 

В прослании честных мощей твоих преподобне отче наш Иове, обитель Угольская радости исполнися. Имеяху бо великую святыню во укрепление духовное Честныя же иноки и мирстии людие с любовию дивному во святых Своих Богу взываху; Господа пойте дела и превозносите Его во веки.

 

Богородичен; Ныне к тебе прибегаю, Пречистая спаси мя молитвами Твоими и соблюди: елика бо кощеши, можеши Яко Мати всемогущего.

 

 

Песнь 9

От Бога Бога Слова ,\ неизреченного мудростию придшаго обновити Адама,\ ядию в тление падшего люте,\от Святыя Деви не изречено воплотившегося нас ради,\ вернии единомудренно песнми величаем.

 

Ныне предстоя преподобне отче наш Иове, Престолу Божию, молися о стане нашей избавитеся от расколов и междуусобных распрей и христолюбивым людем Земли карпатския спасение испроси молитвами  твоими.

 

Великия твоя молитвенныя подвиги и труды и сладость учения твоего почитаем, преподобне Иове и миже многая приходящия к тебе просветил еси и научил еси воспевати еденосущною Троицу.

 

Житием чистым последовал Владыце Христу, течение скончал еси, преподобне, на горах Угольских в день благовернаго князя Владимера, ему же подражал еси в житии, и к вечным обителен восшет блажение, тем же чтуще память твою , Христа величаеи.

 

Богородичен: Ты еси верным похвала, безневесная, Ты заступление и священное прибежище христианом: к Сыну бо своему и Богу мольбы носиши, Всенепорочная и одбед спасаиши верою и любовию Богородицу чистою Тя воспевающих и величающих.

 

Светилен.

Постом и служением течение свое совершив, на небеса  возшел еси преподобне, и Христу Богу предстоиши всечестный отче Иове, за ны молися тепле почитающих тя.

 

Слава и ныне, Богородичен:

 

Радость неизреченную рождши, Господа, радости небесныя причастников всех сотвори, Тебе почитающих, Пречистая, и от души вопиющих Ти не забуди Твоя рабы благословенная Марие.

 

На хвалитех стихиры, на 4 глас 4.

 

Стих: Хвалите его на силах Его, хвалите его по множеству величесвия Его.

В Городиловскую Пустынь вселился еси блаженнее.\ От юности исполнен духовныя премудрост.\ На высоты добродетелей возшел еси.\ И в Господни руце предал еси житие свое./ Темже и возлюблен был еси Христом.\ И от Него даром пророчества украшенный.\ Прорицая грядущая яко настоящая.\ Темже мы сошедшиися умиленно вопием ти:\ испроси и нам  прозрение и спасение душ наших!

 

 

 

Стих:Хвалите Его во гласетрубнем. Хватите Его во псалтыри и гуслех. Блаженнее отче наш Иове,\ егда подвизался еси в горней Угольстей веси,\ тогда народы многи притекоша к тебе,\ принося свои скорби, болезни и от демонов страдания на избавление,\ и чрез святи твои молитвы ко Господу получали исцеления,\ умиленною душею возсылаху благодарение Богу,\ сотворившему чрез Своего  угодника великая и славня,\ ему же сошетшыся взываем:\ радуйся, страны нашея похвало и преславный чудотворче!

 

 

Стих: Хвалите Его в Тим пане и лице, хвалите его во струне и органе.

 

Днесь приспе день славного торжества.\ Угольская Пустинь веселится.\ Памяти великаго Карпатского края подвижника.\ Его же честныя мощи пред лежат на поклонение.\ Почерпающи духовныя исцеления вси умиленно вопием:\радуйся монашествующих светило и утверджение,\ и всем в бедах скорое вспоможение,\ звездо показующая путь в небесныя обители.\ Всех  приходящих добродетельному пути научая.\ И ныне предстоя у престола трисолнечного Божества:\ умоли Господа подати нам мира и велию милость.

 

 

Стих:Хвалите Его в кимвалех доброгласных, хвалите Его в  кимвалех восклицания. Всякое дыхание да хвалит Господа.

 

Во славней памяти твоей угодниче Христов,\священнии и монашествии соборы ликовствуют.\ Достойными благодареньми прославляющее.\ Ты бо подвигами своими свет Православный Веры излучал еси.\ Тем же ти поклоняющееся восклицаем:\ утверди до конца твоими молитвами Православную Веру в земном отечестве своем,\ и душам нашим испроси у Христа велию милость.

 

 

Слава: глас 8

 

Ликовстуйте вси сошедшийся днесь,\ ублажая  земли нашея молитвенника.\ Сей бо подвигами просиял в Карпатской стране преславно.\ Темже православнии людие ьиз глубины сердцем  взывают,\ отче наш  Иове, милостиве и благоуветливе,\ испроси у Господа мирови мир, \ и душам нашим велию милость!

 

И ныне: Богородичен глас

  1. Владычице, прими молитвы раб Твоих, и

Избави ны\ от всякия нужды и печали.

Славословие великое.

Тропарь святого,

Слава и ныне, Богородичен: «Иже нас ради….»

Ектении. И отпусти.